＊＃！＆＊ 無厘餐室

一）客人們剛入無厘餐室，侍應出來迎接。
　　侍：幾多位？
　　客：做乜問我喎，我點知你間餐廳有幾多位者．．．
　　侍：嘻，我都唔清楚，等我數數．．二、四、六．．．
二）情況同上
　　侍：幾多位？
　　客：五位。
　　侍：食唔食煙？
　　客：唔食。
　　侍：咁食唔食野？
　　客：........
三）情況同上上。
　　侍　：幾多位？
　　客甲：三位。
　　侍　：食唔食煙？
　　客甲：我．．比較少食。
　　客乙：我就食好多，一日大慨兩包啦．．．
　　客丙：係呀？咁你食乜牌子架？
　　（三個客人開始了吸煙的話題，後來侍應也來答嘴）
四）客人們正在看餐牌選東西吃時。
　　客甲：（自言自語）唔．．咁多野食．．食乜好呢？
　　　　　（對朋友們）喂，你地叫乜呀？
　　客乙：我叫乜？．．我叫小甘。
　　客丙：我叫Forrest，多多指教！
五）廚師精選套餐，任選一款：一）肝炒牛河
　　　　　　　　　　　　　　二）腹建炒飯
　　　　　　　　　　　　　　三）台灣腦肉飯
　　　　　　　　　　　　　　四）髮式西多屎
六）點菜時。
　　侍：想叫乜食？
　　客：西冷牛扒餐，牛扒要五點六二成(5.62)熟，唔該。
七）點餐飲時。
　　侍　：餐飲要乜野？
　　客甲：一杯凍好立克。
　　客乙：一杯好立克加冰。
　　客丙：一杯凍‘呵力’。
　　侍　：%@##!!~~咪即係三杯凍好立克！
八）情況同上。
　　侍　：餐飲要乜野？
　　客甲：可口可樂要樽裝。
　　客乙：熱檸茶加冰走檸檬。
　　客丙：奶茶，奶要2%脂肪既。
　　客丁：涷水駛唔駛加一蚊架？
　　客乙：都係改一改，要熱檸樂加冰走檸檬可樂走汽。
九）菜到時。
　　客：喂喂．．點解我個雜菜飯有塊肉絲既？
　　侍：啊．．唔好意思，呢塊係廚師頭先切菜果陣切到手指果塊肉．．．
十）飲品到時。
　　客：喂喂．．點解我杯餐飲有一蚊硬弊響杯入面既？
　　侍：你冇睇餐牌咩？凍飲加一蚊嘛！

十）飲品到時。
　　客：喂喂．．點解我杯餐飲有一蚊硬弊響杯入面既？
　　侍：你冇睇餐牌咩？凍飲加一蚊嘛！

This one PERFECT ar

客乙：都係改一改，要熱檸樂加冰走檸檬可樂走汽。
~~~~~~~~~~~~~~~~~~~~~~~~~~~~~~~~~~~~~~~~~~~~~~~
噤嗟係咩呀﹖﹖
無氣可樂呀﹖﹖﹖
好搞野呀﹗﹗哈哈~~~
=D

i love the last one, very good ar

下面引用由sora813在 2003/07/20 02:52pm 發表的內容：
i love the last one, very good ar

me too~~ :em01: